1. Krefeld

Leser-Erinnerungen an Herongen: Hirschfelder-Huus en Herongen

Leser-Erinnerungen an Herongen : Hirschfelder-Huus en Herongen

Eine Erinnerung ans Schullandheim Herongen in Mundart.

Met de Frönde wor ech Anno 1995 en "Weekend" em Kräheness. So hett een van die drei Hüeser im "Schullandheim Herongen". Nau es dat janze Huus no dä Kreweldsche Kengerarz Dr. Hirschfelder benennt. Mech word et janz klöchtich. Hatt doch min Moder mech emmer vertelld: "Daß Du noch lebst, hast Du nur dem Dr. Hirschfelder zu verdanken."

Ech hat doför nie Jelejeheet, wäejes dat dise fröndliche Doktor all 1941 för die Nazis ut sin Läewe wegloope moss. Jod tröes sin Seel!

Wemmer ankoome, fuhre jrad hongerdtwentisch kleene Böersch on Mädsches ut Venlo mem Rad no Huus. Die wore en janze Wäek hei jewess on hannt bestemmt Fäerkesfreud jekreije. So sohe die uut.

Os deng och jood jefalle. Mer kräeje meddags all ut dä jroote Käetel en leckere Jemoissupp met völl Woosch on Rengkfleesch dren. Statt Meddagsschlöppke mosse mer an de fresche Loff. Loope. Völl Kenger hadde jeschreewe, dat mer hei jood "wandere" köss. Dat denge mer an jedde Wangk em Kräheness läese! Mar Marita Blaumeiser, die monktere "Chefin" van dat Hirschfelder-Huus, hatt sech för os "Alde" wat besongersch enfalle loote.

Wemmer so effkes dreihongerd Meter jeloope wore, stong do meddde em Wald enne Warel met en Päed doför. Dat hedde Pascha on nohm os nau dat Loope af. Pascha kennt och all völl Kreweldsche Kenger. För die es bee dä Besöck van Heronge de Kutschfahrt emmer dat Tüpske op et "i" ! Dä Kutscher haddet knubbelsdick henger sin Horschlappe. Hä deng os so männij Mäuzke vertälle.

"Bee mech liere de Kenger reekene. Velletz och de Liersches!" sait hä op bäes Straelener Platt. "Wieviel Been hät minne Pascha?" Vier wor falsch! Pascha hadde twelv Been. Twee vöre, twee henge, twee an de lenke on twee an de reite Sitt on op jedde Eck een. Schäng sait:" Wenn Pascha nau sinne Stäz hewt, dann wäede mer fotojrafiert!"

Nau kann ech verstohn, dat mer op sonne Planwaarel Doosch kritt on dat die Lütt meist jooder Denge send, wenn se op dä Stäz van sonne Pascha kieke. Wäejes dat Pascha son brav Päed wor, kreich et van dä Kutscher döckser en Muhr. Marita spendierde os all Kaffe on enne leckere, selwsjebackene Appelskock on en Pruumetaat. On dat alles van posteliene Tellerkes on Tässkes.

  • Trickbetrug am Telefon : Polizei warnt auf „Krieewelsch Platt“
  • OB Frank Meyer in seiner Paraderolle : Hausmeister Römmelströpp träumt von Karneval
  • Tierhalter sollen besondere Vorsicht walten lassen : Veterinäramt bestätigt drei Fälle von Hasenpest

Doodmüsch kroope mer owends em Bed. Mer hadde en "Fürstensuite" met acht Bedder drop. Wat hann ech jebrasselt bes ech minne Schloopanzoch anhatt. Jömmes hadde Been on Ärmel met enne dicke Faam tujenäht.

"Das machen unsere Kinder auch immer so!" sait Marita!

(City Anzeigenblatt Krefeld II)